tennis-ceu lian: Global chin News

Wednesday, March 30, 2011

Global chin News

Salai van ceu lian tuanbia

"Laimi lakah tennis tuk a rak thiam ngaimi le Kawlram ah tennis tuanbia thar a tialtu, Laimi phun Van Ceu Lian cu Aug 06,1977 ah Hakha khua ah a chuak.Kum 12 a si hnu lawngin tennis tuk hi aa ot i Kawlram a um lioah state-and-region tennis tournament ah Hight School Chin State tennis team aiawh in voi thum (kum 3) le upa Chin State tennis team aiawh in kum 4 a rak i celh.
"1994 kum state-and-region tennis tounament i ka tuk than ah Kawlram No.1 a simi Burma-zaw zaw Lat timi khi 6.2, 6.2 in semi final ah ka rak tei. Chin State team hi final kan kai a si ahcun best player hmu ding ka si nain ka naule nih an rak tei hna lo caah semi ah kan rak sung. Cucaah best player zong cu ka rak hmu lo," tiah a rak tuk lio kong he pehtlai in a chim.

2000 kum ah Pacific rili kar vawlei i a ummi Guam ah a kal. Guam a um lioah tennis cu a tu than. Guam cu tennis a tumi an tam tuknak ram a si caah tennis tournements ahhin level 4 (3.0,3.5,4.0,open) tiin a um. Cu ahcun Van Ceu Lian nih second level 4.0 ah champions pahnih a hmuh hnuah Pacific Islands tennis championship gorvernor's tennis cup ah Pacific Island zapi theih 2001 Pacific island Guam Open Single's Champion cu a rak hmuh. Pacific daily news,Guam TV pawl zong nih a minthlir in an rak chim len.


Cun 2001 kum dih lai ah Indianapolis ah a kal i Indianapolis ah tennis tournament pakhat aa celh than rih. Cu tournament cu a min ah CITA invitational league an ti. Cu tournement ah cun level 3 (3.0,3.5,4.0) tiin a um. A sang bik a simi 4.0 single's ah 2002 indy CITA invitatianal league 4.0 single's champion cu a hmuh than. CITA years book's chungh a min cu khim a si than.

2004 kum ah motor acident a tong i tennis tha tein a tu ti lo. A sinain US National Tennis Academy le US Professional Tennis Registry tennis coach sianginn nih Van Ceu Lian cu a tennis experience savenak ding caah US National nih 2009 ah professional tennis instructor's Dgree le PTR nih 2010 ah professional tennis instructor's license an pek.

A teimi hna tennis tournaments pawl:

1994/1995/1997 -Chin State hight school tennis team
1995/1996/1997-Chin State upa chin state tennis team

1997 Wilson open, Rangoon, Burma
Division-[3.5'4.0] men's 3.5 double's runner-up Van ceu Lian/Thawng Za Lian

2000 Michelob Championship, Hagana Guam
Division-[3.0,3.5,4.0, open] Men's 4.0 single's champion

2001 Shirley's open, Hilton Tennis Center, Guam
Division [3.0,3.5,4.0,open] men's 4.0 double's champions Van Ceu Lian/Mr Marty

2001 Gorvernor's Cup,Hagana Guam
Division-[3.0,3.5,4.0,open] Men's open CHAMPION

2002 Indy CITA Invitational League, Indianapolis, USA
Division- [3.0,3.5,4.0] Men's 4.0 Single's Champion

No comments:

Post a Comment